Reviews قرية هاني

المكان جميل و هاديء و مريح جدا بالنسبة لي فضلنا الجلوس في قعدة عربي داخل قاعة مكيفة و كانت مريحة و نظيفة جدا المنيو بسيطة و خاصة بالاكل البدوي لكن اقترح اضافة بعض الوجبات للاطفال المشروبات جميله خاصة ليمون بالنعناع الشاي البدوي ممتاز لكن كان بارد بعض الشيء الخدمة سريعة و كل العاملين في منتهي الذوق و الاحترافية يوجد مصلي للسيدات و يوجد محلات للعب الاطفال

مكان محترم وجميل ونظيف جدا .. بعد البوابة اسكندرية على طول تقريبا على يمين الشارع .. مستواه تحفة من يوم ما اتعمل ماشاء الله تبارك الله الخدمة فيه ممتازة جدا ويحسسوك انك ملك داخل عليهم اشي دلع واشي طبطبة وخدمات مجانية كتيرة ماشاء الله تبارك الله الاكل مستواه فوق الوصف ونظافة وحاجة قمة الجمال تبارك الله عندهم اكثر من مكان للقعدة في الصالة المكيفة او عند النافورة او في الهواء الطلق براحتك .. ايضا يوجد شاشات عرض الكورة وكل حاجة اخر دلع .. يوجد مكان للصلاة وحمامات نظيفة عندهم خدمة جميلة وهي العاب مجانية للاطفال وحنطور مجاني للاطفال وتقدر تخلي ابنك يلعب بعيد عنك وانت مطمن لانه يوجد شخص واقف على البوابة بيراقب كل صغيرة وكبيرة.. لما تجي تحاسب ممكن تشتري حاجات جميلة تذكارية من قسم الهدايا وحاتنبسط اكيد .. عيبهم عدم وجود واي فاي.. ايضا عشاق الشيشة ده مش مكانهم بس احسن لان الشيشة مضرة واعتقد ان فلوسها حرام .. الخلاصة مكان محترم وجميل ونظيف انصح به ربنا يوفق صاحب المكان ويهديه سبل الرشاد

تجربتي مع قرية هاني للمأكولات المكان بجد حلو جدا ديكور قاعده عربي و على حمام السباحه الناس اللي شغالين هناك فى منتهي الذوق و السرعه تجربة مختلفه جدا بالنسبة للمطاعم التقليدية، بالنسبة للأكل اسعاره ممتازة جدا جدا و مش بتتحاسب غير على الطبق الرئيسي فقط جميع الاطباق اللى هتطلبها بينزل معاه تشكيلة كبيرة من السلطات و الملوخيه و الشوربة مجانا طلبنا ١/٢ ك كفته و ٣ اطباق نص فرخه مندي الفراخ بينزل معاها رز كتير جدا شخصين ما يقدروش يخلصو الرز اللى مع وجبه واحدة و نصف ك مكرونه و كان الحساب ٣٦٠ جنية الشاي عندهم مختلف جدا عن اللى برة بتطلب شاي ينزل ٢ نوع من الشاي اخضر و احمر شاي عربواوي و مجانا اسمه شاي الضيافه و تطلب بعدد غير محدود خدمة التحضير سريعه جدا و كنا هناك فى وقت متاخر تقريبا الساعه ٢.٣٠ صباحا و كان فى زحمه و الاكل نزل لنا بسرعه شكرا جدا قرية هاني و شكرا للشباب اللى شغالين هناك ان شالله اتمني زيارة المكان مره ثانيه.

قرية هانى قريه جميله والخدمه فيها ممتازه والمأكولات ذات مذاق رائع وجوده عاليه وكل مره نذهب فيها للأسكندريه لابد ان يكون من برجرام الرحله ان نذهب لقرية هانى وانصحكم ان تزوروها وستجدوا ما يسركم