Review ‪farag Fish‬ - الإسكندرية

جمبري چامبو butterfly حلو جدا، سعر الكيلو ٦٥٠ وقار ١١١ مع صينية بطاطس مكنش احسن حاجه، سعر الكيلو ٤٦٠ موسى خطير رز بالخلطه حلو بس غريب شويه، عامل زي رز المحاشي

أحلى أكلت سمك في الإسكندرية سمك و جمبري و سبيط طازج جدا. شكرا مطعم اسماك فرج على الاستقبال و الاكل اللذيذ و الشكر موصول لاسلام على حسن الترحيب و الخدمة المميزة. ارشح لكم المطعم بشدة

اسماك طازجة و طرق الطهى و التقديم عديدة ومميزة مكان رائع للأسرة و الاسعار جيدة الى حد ما صالة الطعام مناسبة للجميع و الخدمة ممتازة بداية من الاستضافة و اثناء قيام الكابتن باخذ الطلب و شرح جيد للاطباق المتاحة

#فطار_رمضان #أكيلة_اسكندرية من الأماكن اللي ماينفعش يعدي عليا رمضان من غير ما افطر هناك يوم #فرج في #اسكندرية بصراحة من احسن الاماكن اللي بتعمل سي فود في مصر كلها عليهم شوية جمبري مشوي محصلوش في الدنيا ورز سي فود غريب في الجمال بجد والعظمة كلها بقي في طاجن الس فود بالزبدة والله بيبقي في جمبري وبطارخ واسيبهم واقعد اضرب في الصوص بتاع الطاجن عالرز اللي أول مرة اجربة عندهم او في حته سمك بربون مشوي في الزبدة طعم مختلف عن اي مكان جربته في حياتي ابعد هناك عن الحاجات المودرن الشوربة والمكرونة والكلام ده دي أكلة سمك بلدي من بتوع زمان #الاسعار هو غالي بس فعلاً الغالي تمنه في وعايز اضرب مثال صغير علي موضوع الاسعار لو تعرف حد سماك حبيبك اسأله علي سعر الجندوفلي البحر الابيض وجندوفلي البحر الاحمر ده. ب ٢٥٠ وده ب ٥٠ بس فرق الطعم السما والأرض للي بيقدر والله #المنيو في أخر الصور #العنوان فرج في 7 سوق الطباخين من شارع فرنسا .. من علي البحر هو تقريبا تاني شرع يمين بعد قدورة هو شارع ممنوع الدخول بس الناس بتدخل عادي. تقييم وتصوير: إسلام سلامة #EgyptianFoodies

الأكل لذيذ وسلطة البنجر بالرمان لذيذة..و لكن غشاشين في الفاتورة..زوّد على الفاتورة ١١٠ جنيه قيمة الكابوريا اللي داخل شوربة المأكولات البحرية و سلطة الرينجة ليغطي قيمة كابوريا ما نزلها!!! Delicious food but they are AliBaba in invoice

من انظف محلات السمك في إسكندرية . الشوربة و السمك مشوي ملح و فلفل حلويين قوي. لازم تجربوا الطاجن الصوص الابيض وهمي بمعني الكلمة بيحطلك فيه اللي انت عايزه هو مش طاجن عشوائي بسعر ثابت لا بالكيلو الطاجن اخدت جواه بطارخ، كابوريا، سبيط وجمبري مقشر الطعم عالمي وتاخذ معاه الرز ببيض السبيط

المطعم ده بجد حكايه ...مش بس الاكل حلو اوووووي وكمان التقديم لا يقل عن افخم مطعم ان كلت في خارج مصر ..الناس بتقدم الاكل بكل احترافيه .. .اللي عايز يتعلم يعمل سمك يروح عند مدرسه فرج لفنون الطهي في عالم الاسماك ......انا بقالي اكتر من خمسه وعشرين سنه باجي اسكندريه وكلت عند معظم و افخر مطاعم الاسماك ...وكمان انا أملك مطعم داخل جامعه حلوان واعرف يعني ايه مطعم وطبخ ..علشان كده انا بقولك اللي جيه اسكندريه ومكلش من فرج مكلش سمك .....تحيه لصاحب المطعم ومجموعه الشيفات و الشباب الجميل اللي واقف بمنتهي المرح والذوق ليقدم الطعام . ألف شكر اني في مطعم زيكم في مصر ...

المكان قعدته كويسة ومعاملة الناس محترمة بس الأكل سئ جداً للأسف.. السمك العادى (مشوى/ مقلى) كويس عادى