Review ‪buffalo Burger‬ - الإسكندرية

تاني مره اجربه هو التشيكن من عنده تحفه لكن البيف لا الصراحه مش بحب البرجر من عنده بحب التشكين جداااا😍 انا بحب من عندهم chicken buster حلو اوي بجدد وبيعملوا عروض كتير الصراحه ودي حاجه حلوه جدا ♥️♥️ بس مش هياخدوا ال five stars عشان مش بحب البرجر بتاعهم خالص وكانوا مش حاطين صوصات غير لما طلبنا اصلا ومكانش في صوص الباربيكيو ! والكاتشب مكنش بينزل من الازازة بتاعته نهائي لحد ما قررنا فاكس كاتشب خلاص 🤦🏻‍♀️ ف هو بس التشكين ده اللي بيخليني اروحلهم الحقيقه 👀♥️

البرجر تفوز والاسعار جيدة والاكل داخل المطعم يختلف بالسعر

المكان روعه ومكان حلو للكابلز بس انصح اي حد يجي بدري عشان معظم الوقت زحمة و الاكل بيجي في متوسط نص ساعه من افضل فروع بافلوا ❤️

ممتاز.. اي حد عاوز ياكل اكل نضيف ويشبع.. مش هيلاقي افضل من المكان دا.. برافو

المكان حلو جدا . هادي و مرتب و نظيف ... العاملين ودودين و الخدمة كويسة سريعة و المنيو متنوع و فيه اختبارات جديدة و كتيرة بالنسبالي اكتر مطعم جربته قريب من fud ruckers الي في القاهرة و كان تحفة في ال quality و ال quantity بالنسبة للسعر .... مشغلين list اغاني عجبتني جدا الصراحة 😂👍

السلام عليكم الصراحة دا اول مكان هتكلم عنو جامد شوية،نبدأ بالايجابيات اول حاجة طعم الاكل تحفة خصوصا الجبنة واللحمة والبطاطس و الصراحة من احسن اذا مكنش احسن برجر جربتو لحد دلوقتي،السلبيات بقا اول مرة اشوف مطعم التيك اواى احسن من انك تاكل فى المطعم المفروض بينزل معاك مناديل عادية ومناديل مبللة فى المطعم مفيش الكلام دا الاوردر نازل بجوانتى بس دا غير ان الاوردر كان متبهدل وكمان وقت الانتظار طويل الطعم يستحق بس كنت اتوقع الاكل هيكون سخن وبعد كل دا السعر لما تاكل فى المطعم اغلى ١٠% الصراحة المفروض يهتموا بخدمة الصالة اكتر من كدا بكتير انا من رأيى التيك اواى احسن بكتير ولو عجبك الريفيو دوس لايك 😁

الكواليتي عالية جدا، البرجر juicy والعيش تحفة، كانت تجربة رائعة الأكل والنظافة والطعم والمعاملة والذوق والنظام والديكور بالذات بجد اتبسطت رغم المكان مش كبير والعدد كان كبير ف بنضطر ننتظر شوية لحد ما نقعد، وأحسن حاجة بيحطوا المكونات اللي مش أساسية زي الطماطم والبصل برة الساندوتش عشان تcustomuze سندوتشك على ذوقك

طلبى كان Double قطعتين برجر وزن 300 جرام مع جبن شيدر وصوص واخذت معاه فرايز صغير وحلقات بصل كبير(10حلقات) طعمه جميل جدا ومشبع المشكلة ان كان فيه 6 انتظار قبلى وانا عن غير قصد لم التزم لأنها كانت اول تجربه لى فى المحل ده