Review ‪pastry Masr‬ - الإسكندرية

حلواني ديليس هو مطعم وكوفي شوب وحلواني وفيه مشروبات روحيه ( كحولية ) أيضا وذلك لأنه منشأة سياحيه ويتمتع بأنه في موقع مميز جدا فى محطة الرمل بالاسكندرية وايضا يطل على شريط ترام محطة الرمل بحري والعكس وايضا يطل علي ميدان سعد زغلول الشهير الزل يطل على كورنيش الاسكندرية والبحر الأبيض المتوسط. هذا من ناحيه الموقع . أما من الداخل فلة أقسام. قسم للكوفي شوب وقسم للمطعم . وقسم للحلويات ومكان مكيف للمفروشات المختلفه . حتى أنه استغل الممر ووضع به أماكن للجلوس كا كافيتيريا. وذلك جعل المكان ليس به مساحه للخصوصيه وأصبح اشبه بالقهاوي فإن استغلال كل المساحه فى هذا المكان أصبح استغلال مادى بحت رغم انه يضع صف واحد خارج المكان على الرصيف ويضع شماسي.. فا الاستغلال الغير جيد قد يكون مثمر ماديا ولكن يفقد المكان رواية الاصليين الزين كانو يعشقون الذهاب إلى ديليس.. واختارو أماكن أخرى فيها مساحات جيدة ومنظمة بشكل مريح للنظر والنفسيه.. ( لأنه ليس من الجيد أن تجلس انت ورفيقك وتتكلم بموضوع وتشعر انه يوجد من يسمعك وينظر إليك وقد يدخل في نقاشك وانت لا تعرفه ) .. هذا بسبب استغلال المساحات بشكل غير جيد .. اما من ناحيه أخرى فقد أصبح بسبب الاعداد الكثيرة يصبح هناك تأخير في استجابه طلبات رواد المكان بسرعه أو بالوقت الجيد .. فا الطلبات تأخد وقت أكثر من اللازم بشكل كبير حتى تصل لرواد المكان بالأخص المأكولات .. فقد فقد ديليس مميزات راقيه وأصبح له رخصه سياحية بأداء شعبي واسعار سياحية أيضا وسياسه الحساب ملتويه فهم يضعون ١٢ % خدمه و ١٤% ضريبه القيمه المضافه ولكن يحسبونها بشغل ملتوي فهم يضعون ال ١٢% خدمة على اسعار الطلبات وبعد اجمالها يضعون ال ١٤% ضريبه القيمه المضافه حتى يكون ناتج ضريبه القيمه المضافه شامل ال ١٢% نسبه الخدمة وهذة طريقه ملتويه فالحساب وليست صحيحه ..

ايه الحلاوة والرقى والجمال والخدمة الجامدة دى ... مكان تحفة و الأجواء لطيفة جدا و متنوعه استف كبير و ودود غير الميوزك الشيك و طبعا موقعه اللى فى محطة الرمل و البحر قدامه بس طبعا مش بيتشاف من جوا .. .. جربت منه الفطار و الحلويات حاجة كده وهم .. الفطار الديلوكس وكان عادى بصراحة .. الفن كله فى الحلويات بقى التورت و المينى كيك فظيع .. أتقل تورتايه شيلتها فى حياتى 😂 من كتر الشوكلاتة اللى كانت عليها و طبعا طعم الكريمه و الاسبونچ عالى ومخدوم جدا ... زيارة واحدة مش كفايه الجايات اكتر واكتر أن شاء الله . #تعديل .... المستوى فى الخدمة زى ما هو قمه الاحتراف و الاستقبال الودود ... أما الاكل فكان سىء جدا مقارنه بقبل كده .. تشيز كيك سيباستيان كل الموجود منها سايح ومعرفش ازاى بصراحة حتى التشيز كيك العادية البسكوت بتاعها كان وحش جدا كأنه بقاله اسبوع فى الثلاجة .. التشوكليت كيك كان فى لسعه كأنها بايظة ... التارت كان حلو بس سايح. الاكل بقى الباستا ماك أند تشيز عاديه جدا جدا بتاعت البيت ممكن تكون مخدومة عنها .. باستا رويال حلوة بس الصوص زى قلته صراحه .. التجربة المرة دى كانت سيئة مقارنه ب اللى فات حتى فى التيك اواى كانت أفضل من كده

مكان شيك و فخم جدا .. محتاج المرة الجايه الواحد يلبس شيك اكتر من فخامة المكان .. تجربة تحفة و انصح بيها تحديث: رحت تاني يوم برضه و المكان و المعاملة فوق الوصف

بصراحه المكان لذيذ جدا كستايل قديم لكن ال Staff بتاعهم وحش جدا الا من رحم وتحس ان كلهم عاوزين ياخدوا منك فلوس متفهمش ليه انا روحت هناك وطلبت حجات كان حسابها ١٠٠ تقريبا اديته ٢٠٠ رجع الباقي ناقص وانا اتحرجت اتكلم بس هم مش تمام وانا بصراحه مش هفكر اروح تاني مكان مستريحتش فيه نفسيا وعل فكره انا شايف جوده حلوياتهم عاديه جدا جداجدا البن البرازيلي برقبتهم

مكان لطيف وعريق ويعتبر قريب جداً من الكورنيش المحل فيه مقاعد خارجية وصالة داخلية.. المنيو كبير بس فعلاً كل صنف جربناه كان مميز ومخدوم حلو جداً كمية وخامات، الأسعار أعلي من المتوسط بس يستحق مقابل الكمية. المشروبات عادي مش مميز خالص مكان يستحق التجربة أكثر من مرة والاستمتاع.

ديليس من اجمل و احب الاماكن الي قلبي في الإسكندرية ، المكان شيك جدا بدخله بحس اني عبرت في آلة الزمن للماضي ،، شياكة و رقي ، و كمان الاكل حلو جدا حلو و حادق و مشروبات و العاملين كمان ممتازين حبيت 💖💖💖💖💖

الاكل جميل والمكان لطيف ولكن للاسف اكتشفنا بالصدفة ان في كل مرة بنروح فيها بيضيفوا على مجموعة الحساب اصناف مطلبنهاش تماما. وطبعا في الزحمة احنا يندفع الرقم النهائي في الفاتورة بدون المراجعة. في مرة من المرات طلبنا نسخة من الفاتورة ، الشخص اللي كان بيستلم الاوردرات رفض يدينا نسخة وده اللي خلانا نبحث في الموضوع وتواصلنا مع الإدارة واكتشفنا ان الشخص اللي بياخد الطلبات بيضيف اصناف على الفاتورة. الإدارة اعتذرت ورجعت لنا الفلوس. بس اعتقد ان مش حنروح المكان تاني ابدا !

حلوياتهم لطيفه وفيه تنوع ممتاز وتجديد مستمر والمكان هناك جميل ❤️ لكن لو بتدور على الطعم الاصلى الافضل لنفس الحلويات دى ف متاكلهاش من ديليس التشيز كيك كويسه الريد فالفيت شغاله لكن زمان كانوا بيعملوها احلى كتير بجد التارتس كويسه جدا لكن لا انصح بالبلوفيلفيت كيك دى خالص :) هى لون فقط الكيك ملهوش طعم وكمان كتر اللون اللى فيها مش مريح للمعده اطلاقا