بحبكم بحبكم المكان كله تحفه سوا مشروبات اكل كل حاجه تحفه و طبعا الاستف محترمين اوي و أدمنت المكان و اتمنى انكم دايما تبقوا الأحسن و الأحسن

المطعم ده مش في اوروبا.. دا في محطة الرمل 😍😍 اخر اكتشافاتنا الخطيرة في اسكندرية مطعم Sento Bene اتغدينا عندهم وجربنا الباستا والبرجر واختراع جديد اسمه الPorizza! 😃 سينتو بيني مطعم ستايله ومووده أوروبي جدا من اول ما تدخل المكان تحس انك قاعد في كافية او pub بره مصر... الاضاءة هادية والقعدة في ترابيزات وفي high chairs عالبار لو هتاكل حاجة عالسريع.. المزيكا لطيفة جدا والخدمة عندهم لطيفة جدا عاملونا كأننا زباين المكان مع ان دي اول مرة نروح 😅 اول ما بتوصل بينزلك welcome drink كوكتيل فواكه كتير الويتر مرضاش يقولنا مكوناته ايه 😂😂 المنيو كبيرة جدا عندهم اطباق رئيسية وباستا ومكرونة فالفرن وبرجر وحاجة جديدة بقى اسمها البوريتزا عجبتنا جدا 😍😍 ابتدينا تسخين بالسينتو بيني فرايز دي بتبقى بطاطس متغطية لحمة مفرومة وصوص philly cheese وهالبنيو احمر ❤️ في الباستا جربنا الباستا بالسلامي.. مكرونة بنا معمولة بصوص الفريدو وعليها شرايح سلامي وفلفل الوان وبقدونس واساسي نطلب عشقنا الاول في المكرونات الفرن: النجرسكو 😍 النجرسكو عندهم مخدومة جدا صوص البشاميل تقيل كده وفيها قطع فراخ ومشروم كتير ومتغطية موتزاريلا ❤️❤️ نيجي بقى البوريتزا 😎 البوريتزا دي بتبقى نفس toppings البيتزا بس بدل العجينة تحتها طبقة بطاطس بوريه بالكريمة والزبدة 😍😍 طبق البوريتزا دا تقيل جدا يعني تطلبه لوحدك او تشير فيه مع اتنين كمان لو طالبين حاجات تانية 😃 طلبنا بوريتزا سدق طبقة البطاطس عليها سجق متتبل بشرايح بصل وفلفل الوان وزيتون ومتغطية موتزاريلا وبجد عجبتنا جدا 👌👌 في الاطباق الرئيسية لفت نظرنا طبق اسمه الHickory Meatballs دا بيبقى كور لحمة متبلة مع مشروم وشرايح لحم مدخن وصوص هيكوري وجبنة شيدر وجنبهم خضار سوتيه وباستا بالالفريدو 😍 ميكس الهيكوري مع الشيدر اول مرة نجربه والطبق الportion بتاعته تشبع جدا في السندوتشات جربنا الميجا تشيز برجر ودا اقوى ساندوتش برجر عندهم في المنيو 💪💪 البرجر عليه شرايح ستيك ومشروم ومايونيز وصوص جبنة شيدر وphilly cheese واكتر حاجتين عجبونا ان البرجر طعم اللحمة باين فيه مش متغطي عليه بتوابل كتير وان صوص الجبنة مش مغطي على طعم الساندوتش 👌 الحلو بقى مولتن كيك بيخبزوها طازة في المطعم 😍😍 اوردر المولتن كيك اتأخر شوية عشان بيعملوها بالطلب بس بجد فرق كبير بين المولتن كيك اللي بتتسخن واللي بتتخبز فريش ❤️ سينتو بيني مطعم مووده وأكله مختلفين جدا واتبسظنا جدا من التجربة دي 😍😍 الاسعار: **مش بيزودوا خدمة وضريبة - سينتو بيني فرايز ٤٤ - باستا سلامي ٤٩ - طبق نجرسكو ٦٤ - طبق البوريتزا سدق ٦٩ - الماك اند تشيز ٨٩ مكرونة باللحمة المفرومة وصوص الجبنة - ساندوتش ميجا تشيز برجر ٧٤ - ساندوتش تشيكن شامبيون ٥٩ - طبق هيكوري كرات لحم ٧٩ - المولتن كيك ٣٥ العنوان ٩ شارع فوزي فهمي محطة الرمل