Ahmad El-Saeed
طيب تقريباً احنا اتكلمنا عن مكان بيعمل بيتزا كويسة .. إسمه " بيتزا ستيشن " لكن مقيمناهوش !!
ريفيو بيتزا ستيشن:
* موسيقى مخيفة في الخلفية *
رحنا حجزنا قبل ميعاد الفطار بيجي ساعة ونص، هم عاملين منيو لرمضان و أوبن بوفيه، طبعاً ناس زينا اختاروا الحل الامثل (الاوبن بوفيه) وهناك عبارة عن ( مشروب رمضاني "التهجيضة اياها ومعروف ان المشروب الرمضاني دا مش موجود غير عند عصير مكة" - طبق من الاطباق الجانبية - سلايز زي ما انت عايز - سلطة زي ما انت عايز )
المهم، قعدنا وظبطنا، السلطة هناك مريبة جداً، حلوة بشكل مش طبيعي، بيعملوا لوبيا وحمص الشام وبابا غنوج حلوين جداً، الكولسلو مش زي ما انا كنت متخيله ... بس حلو برضو..
نروح بقى للأكل، طبعاً مصورناش الاكل لانه نزلنا بعد الفطار بربع ساعة، بس احب اقولكم البيتزا حلوة جداً، طعمها حلو، جربنا 3 انواع... الفيجيتيريان، والسلامي، وفراخ وماشروم ...
المهم يعني الاكل كان طعمه منطقي ومبرر وحلو جداً، نيجي بقى للجزء الجامد من القصيدة ...
التشيكين وينجز يا جماعة، ف حياتي ما اكلتش جناحة فراخ طعمها كدة ابداً، حاجة كدة عالية واتبسطنا جداً واحنا بناكلها، بجد اتبسطنا فعلاً واحنا بناكلها حقيقي.
المهم يعني في النهاية نحب نديلكم الريفيو العام:
المكان في رمضان: 3.5 من خمس نجوم...
المكان مفيهوش حمام ودي نقطة ضعف لو تعلمون عظيمة جداً إنت رايح تاكل وتزفلط وبهدلة ومفيش حتة تشوف فيها وشك ولا تغسل ايديك بعد الاكل!!
السيرفيز: كويسة بس محتاجين عدد اكبر لانهم مش قادرين يصدوا ع العدد اللي عندهم خالص ... ودا هيبقى واضح زي ما قلنالكم ... الاكل نازل بعد ما فطرنا بربع ساعة...
وطبعاً العصاير هناك اشتغالة، محدش يصدق الكلام دا ...
اما غير كدة ... الدنيا حلوة ...
المكان مش لطيف للعائلات خالص، مفيش خصوصية نهائي. ..
بنحاول نخلينا ف حالنا، بس كان فيه طرابيزة بنات فوشنا في عمر الزهور تقريباً عرفنا كل اسرارهم الداخلية الدفينة، ومشاكلهم مع كراشاتهم ... فحاول تخلي صوتك واطي هناك !!
Pizza Station Egypt
زوروا المكان ... لطيف
ليه فرعين: واحد ورا خير زمان - سموحة
واحد في المحروسة، سيدي بشر
#اروح_فين #بيتزا #بيتزا_ستيشن
Sarah Ali
هو مش وحش
لكن المكان من ناحيه الاعده مش حسه مريح
لكن الاكل مش وحش
الديكور nice 😊
Mina Fawzy
البيتزا معقولة جدا والسعر حلو والفيو كويس بس للاسف التعامل كاش بس مفيش فيزا وعمري ما قبلت مكان كبير مش بيتعامل بالفيز كارت بس عموما التجربة كويسة والبيتزا كانت حجمها حلو وكان في عروض اسعار كويسة وإن كان علي أصناف معينة ياريت يطوروا المشاكل دي ويستغلوا مكنهم الحلو جدا داه وانصح بالتجربة خصوص للبيحبوا بيتزا الفراخ لها نوعين حلوين والببروني
على محى الدين
بيتزا مستوى عادى لكن السعر غالى جداااااااا
Abu Filo
جميله جداً بصراحه البيتزا طعمها حلو والناس اللي شغاله كلهم محترمين خصوصا بتوع الديليفري
Ahmed Kamel
للاسف جودة سيئة و اسعار مبالغ فيها دة غير الكدب و الخداع في الأسعار أثناء طلب الدليفري
nosa mahmoud
كويسة بس اوفر في السعر لو حتاخد قطعة و كمان القطعة اللي جاتلي لقيت فيها زي شعر او حاجة غريبة علي الحرف بتاعها
بس علي العموم الجودة بتاعتها مش سيئة
Tommy Tommy
المكان صغير لا يتحمل مجموعات كبيرة والخدمات بطيئة جدا للإعداد اكثر من 4 افراداما البيتزا فهي جيده
An error has occurred! Please try again in a few minutes