Review ‪kadoura‬ - الإسكندرية

مطاعم قدورة معروفه ولا تحتاج تزكية من أفضل مطاعم الاسماك في مصر و فرع كورنيش الإسكندرية هو الاشهر لانه الفرع الاول أسماك طازجه طبخ ممتاز و لذه في الطعم اوصي به بشدة

روحت علي السمعه والاسم والحقيثه كانت واحده من اسوا التجارب لمحلات السمك اللي اكلت فيها طلبت جمبرى نص كيلو مقلي معاه رز صياديه وشوربه سي فوود وكمان سمكه قاروص فيليه وطلبت بوري سنجاري اول حاجه هو مجابش السنجاري اصلا ، نسيه الشوربه بقي بارده ونصها جندوفلي الرز كان معقول الفيليه مش سيئ بس القلي عندهم بيضيع طعم السمك وبينشفه الجمبري بقي حاجه مريعه ، ناشف ومجلد وحالته كرب اتقفلت من الاكل ومن السمك والجمبري ومشيت عن نفسي مش هكرر التجربه دي تاني وخصوصا بعد ما دفعت تقريبا ٨٠٠ ج ورميت الاكل

الاكل جميل والخدمة ممتازة بس اوقات بيكون زحمة جدا ومفيش ركنات للسيارة بره

الاكل اكثر من ممتاز والاطلاله تجنن والسعر متوسط اتمنى لو كان في منيو

سيء جدا .. ١. العاملين فيه غير محترفين (يفتح عصير رمضان اللي في الكيسه من بؤه)، يلمس الأكل بأيده ٢. فوضى ٣. الأكل بارد ٤. السعر غالي لا أنصح فيه العاملين في المطعم أساؤوا لسمعة المطعم .

محل مشهور بس واسكندريه معروف بالاسماك بصراحه شروبه السى فوود مش حلوه وكمان رز السى فوود معجن مش حلوه خلاص والسعار غالى على الفاضى ربع الجنمبرى بسعر كليو سمك البوريه بسعر كليو

محل لبيع المأكولات البحرية بالإسكندرية بمنطقة بحري وله فرع بالقاهرة ولكن مستوى الأسعار فيه عالي وتوجد محلات لبيع الأسماك ذو مستوى جيد بمنطقة بحري قريبة منه واسعارها معقولة

الاسعار غاليه جدا جدا مقارنه بالقاهره في مطاعم كويسه ومستوي افضل منه ١٠٠ مره طعم احلي كمان.. السمك بتاعه اه طازج ولكن البوري كان مش متتبل خالص ومعليهوش اي ملح حتي وزوود النار عليه والقشر لزق في السمك وكانت تجربه مش حلوه خالص ، ولكن السمك الدنيس كان كويس جدا الصراحه.. الخدمه سيئه ، ومحدش اهتم يجيب مناديل علي الطرابيزه ، ومفيش ليمون اتقدم مع السمك .. والحمام الراجل دخل ورايا دلق نص ازازه للصابون السايل في ايدي بقمه من الاسراف وللاستهتار عشان يعني قال يظبط الزبون ، وانا خارج لف شويه مناديل من البكره في ايده وادهاني ، وخامه المناديل سيئه ومفيش اي مراعاه لانتقال العدوي .. ودافع تكلفه اكل فردين (سمكتين صغيرين و واحده كليماري صغيره) والله تساوي تكلفه اكل ٤ افراد (سمك وشوربه مخليه وملوخيه ل ٤ افراد كمان) في مطعم ممتاز في القاهره بدون دعايا ..