Review ‪sarawat Restaurants‬ - الزقازيق

اسوأ مطعم من ناحية الخدمة دخلته في حياتي … توقعت اني لما اطلب المشرف المسؤول هيكون على قدر المسؤولية ويعرف يتعامل مع الموقف لكن يبدو ان ماتش الاهلي والزمالك وهدف شيكابالا كانوا اهم من العميل

الساعه ٢ الفجر في ٤ يوم رمضان كان موظف بيسب الدين لموظف تاني و بعدها بشوية موظف اتخانق مع زميله و بعدها تاني موظف حدف زميله بالمفاتيح و زعقله علشان ماسمعش كلامه .. و في الاخر لما استلمت الاكل و مشيت البطاطس كانت مستوية زيادة شوية و الساندوتش ماكانش مخدوم كالعادة بالصوص و الاضافات

الاكل مش وحش ولكن غالى انا طلبت سندوتش وبطاطس وبيبسى 100ج . الاكل حلو بس بارد مش سخن ..المكان صغير .. اشعر ان مكادونلز اكثر سعادة

كان في طريقه وحشه من الموظف ومكنش عاوز يجهز الاردر اصلن وفي الاخرلما صممت قالي ما فيش اكل في الصاله وهو تيكا وي بس وفي نفس الوقت كان في حد قاعد بياكل في الصاله وفي الاخر عشان امشي الموضوع قالي أقف استنا بره وانا هاجبهولك و هو شايق بعينو اني معايه مراتي والوقت كان متأخر قلتلو ده مش من حقق وصممت اني اكون جوه المحل لحد ما اخدت الطلب وخرجت انا ومراتي من المحل الساع ٢ بليل كلنا في الشارع بجد تجربه وحشه جدا

هارديز المكان حلو كتير ، الخدمة ممتازة ، الناس إللي شغالين هنا لسانهم حلو. المكان قريب من مترو السادات قصاد الجامعة الأمريكية علي طول علي الميدان و مجمع التحرير. المكان دورين. الجور الأول فيه الأسير و المطبخ و إللي بيطلع منه الاكل. أنا بفضل الدور التاني لو هتقعد و معاك جد و كده علشان الدوشة. بس ف كل الاحوال هو المكان ياخد ٨ من ١٠ علشان الاكل بتاعة بسيط و صغير مايشبعش " انا طلبت عرض فودافون و كان صغير آوي الساندوتش إللي موجود" محتاج يتحسن عن كده أو يكبر بمعني أصح غير كده المكان كويس

الاكل بارد ومتسخن.. مش فريش.. الساندوتش مش ملفوف في ورقة.. وصوابع مدهننة معلمة عالساندوتش.. حاجة مقرفة جدااا عرض فودافون فليكس الوجبة ب ٤٥ جنية وهما اصروا ياخدوا ٥٠ منتهى قلة الذوق وانعدام المهنية

الاكل بالنسبة للبرجر ممتاز و بالنسبة للتشيكن مش كدة مقارنة بباقي محلات فرايد تشيكن و الفرايز عظمة و بالنسبة للعروض هايلة جدا و الخدمة جميلة و سريعة

كنا ف ميدان التحرير ال أصبح تحفه فنيه حوالي الساعه 11،30 و ولادي كانوا عايزين يكلوا تشيز برجر من هارديز فدخلنا و فجأة ف لحظة دخولنا من غير ذوء فرد من عمال الكونتر بنضاره بص علينا لمدة 10 سواني و انطلق بلسان سليط تك اواي بس تك اواي بس رديت التلو بكل هدوء احنا الساعه 11،30 و لست اوردر عندك الساعه 12 المهم رد واحد تاني و الي مهو يا فندم ممكن تكون اعد بتآكل و نيجي نمسح عليك التربيزه الساعه 12 التلوا عموما انا هطلع لان انتوا تابعين لإدارة مش بتشتغلوا تبع هواكم و طلعنا و كان التكييف ال ف الدور التاني بينأط ميه و ولادي طبعا زعلوا و كادوا يبكوا من الموقف زعلا على والدهم المهم انا كاتب كل البوست ده علشان أشكر العامل المحترم ال إسمه أحمد أبو بكر لإنه هو ال اتعامل معانا بمنتهى الإنسانيه و الذوء شكراً أستاذ أحمد أبو بكر الموظف ب هارديز فرع ميدان التحرير