Review ‪fish And Chips‬ - القاهرة

مطعم يستحق التجربه. اكلهم لذيذ .المكان نظيف والخدمه ممتازه. وديكور الكان مختلف والوانه مبهجه. انصح به بقوة . رضا المنشاوي وحىمه

انصح الناس تجرب السمك محشي جمبري . المطعم صغير بس حلو جدا و الجو بتاعه يجنن . بالنسبه للاسعار فهى معقوله جدا و اصحاب المحل ناس بيرحبوا بيك و فعلا الضيافه تجنن . انا ناوي اجرب المنيو كله 😍 تحديث : جربت النهارده السبيط و الحواوشي و الجمبري الملفلوف كنافه . كلهم احلى من بعض و انصح تجربوا الجمبري الكنافه مع صوص السويت اند سوار و جربوا برضه تكلوا البطاطس الويدجز مع الصوص هتعجبكم . انا جربت البستا طبق و طاجن . الاتنين حلوين قوي قوي . بس انا شخصيتي بتميل للطبق اكتر علشان الوايت صوص و الطعم الكريمي الجامد قوي قوي قوي . الكفته حلوه قوي من حيث التتبيل بس كان نفسي تبقى مقرمشه اكتر . كلمه اخيرة : الحقيقة احسن بكتير من محاولات شرحي لقد إه الاكل حلو و الخدمة بتتعمل بقلب ... انا متاكد ان المكان ده هيبقى براند قريب جدا و معروف . If you are in the downtown area don't stay at the hotel . Go to fish and chips and enjoy the seafood meal for a reasonable price and a tasty flavor 😋 and the hospitality is in the top level . The food is made with lot of love and you will feel it . Ask for Mai and follow her suggestions 😋

الاكل اكثر من رائع ومميز ونظيف التعامل مقبول الديكور والجو العام تراثي الاسعار معقوله ينصح به وبقوة

ممتاز جدا من ناحية الطعم والسعر طيب انصح بتجربته

جربت طبق السمك الفيلية مع الارز و السلطة + طبق جمبري مع الارز و السلطة و بطاطس الطعم رائع و المكان هادي و الديكور جميل لكن العيب الوحيد انك مش عارف تأكل بسبب القطط اللي حواليك

الاكل كويس جدا بس لابد من التهويه الجيده وتركيب تكييف

أولا ديكور المكان بياخدك للزمن الجميل من البساطه فى الالوان وتناسقها لحد الأغاني الراقيه اللي شغاله دايما 🥰❤️ ثانيا العاملين بالمكان كلهم متعاونين جدا وقمة فى الذوق والأخلاق ❤️ ثالثا بقي الاكل بيكون طازج ومش هبالغ لو قلت يعتبر احلي مكان لاكل السمك فى القاهرة 🤩👌 رابعا وده شئ جميل جدا الاسعار مناسبه جدا 🙈🌹 خامسا علي قد ما يبان المكان صغير ولكن في كميه أماكن للتصوير غير عاديه حقيقي لازم تروحوا عشان تفهموا 🤩 بنصح بالمكان لأي شخص يجربه حتي لو لوحده روح المكان هتشعره بالدفا ولو مجموعه هتتبسطوا جدا ومش هتدفعوا كتير 🤍🌹 بالمناسبه المكان كمان حلو جدا كخروجه رومانسيه بين آتنين 🥰🌹 ملحوظه بيقدموا بطاطس بجد تحفه لازم تطلبوها مع الاكل 🙈

مكان جميل جداً جداً مساحة صغيرة ولكن معتنى بكل شبر فيها لو التقيم علي أساس انه مطعم عادي يقدم وجبات متنوعة يبقى يأخذ ٥ نجوم ولكن لو التقيم علي أساس انه مطعم سمك يبقي ٣ نجوم كفاية جداً عليه طلبت كفتة جمبري الطلب المقدم عدد ٤ صوابع بسعر ٦٠ جنيه تيك اوي و طعمها سمك طلبت شوربة جمبري بالكريمة المقدم شوربة خفيفة جداً كالماء لا طعم لها و بها عدد ٥ جمبري غير منظف الظهر و ملوش طعم طبعاً لان الشوربة أصلاً ملهاش طعم السعر ٨٠ جنيه طلبت طاجن جمبري المقدم طاجن بصلصة حمراء كثيفة و طعمة مثل صنية البطاطس السعر ٨٠ جنيه لو أكيل سمك مش حتتبسط من المكان لو مش أكيل حتتبسط اوي لان المكان زي ماقولت معتني به جداً و شيك و مختلف عن اَي مكان اخر بس ضيق شوية و فيه قطه.