Review توتي ماتي - القاهرة

من أحلى الأماكن الموجودة في شارع 9، كل حاجة هناك حلوة المكان متقسم أوت دور وإن دور والأوت دور كمان له أكتر من مكان بالتنوع بتاعه حلو الصبح بدري لو جربت تفطر هناك مش هتندم ابدا، القعاد برا مع شكل الشجر الصبح بدري مريح أوي الستاف لطاف ومتعاونين جدا وحصل موقف أن طلبت الاومليت بشكل معين علشان النظام الغذائي بتاعي وبالفعل نفذوه رغم أنه مش في المنيو

المكان ديكوره و روقانه بيلفتوا النظر من بعيد و كان لازم يتجرب كل التفاصيل فيه مهتمين بيها الكراسي التربيزة الحيطان المفارش المزيكا و كمان ليه كذا قاعدة واحدة جوة في حتة Open Air و في على الشارع علطول جنب الشبابيك و الشجر و جوة Indoor مع المزيكا و بس و من احلى الحاجات اللي ممكن تظبط بيها مزاجك الفطار مع كوباية القهوة جربنا من الفطار الCheesecake Pancake و ده من عبارة عن الكريم تشيز بين طبقات البان كيك و من فوق صوص الفراولة حلو اوي و جربنا Tutti Pan و دي طاسة جواها البيض المقلى و قطع اللحمة و اللي بيكون مع العيش بتاعهم حاجة يعني روقان و Fancy خالص و جربنا عيش مخصوص بتاعهم طري اوي و عليه البيض و عليهم سالمون مدخن و ده حاجة كدة لناس من بتوع مزاج خاص و حاجة الغدا عندهم خفيفة جدا و كل حاجة ليها وصفتها و طريقتها جربنا بيتزا سالمون و دي عجينتها رفيعة و طرية و الToppings من فوق بسيط السالمون و الGoat Cheese و الصلصة كانت خفيفة اوي و جربنا سترومبلي فراخ و ده الفراخ مع الموتزاريلا جوة عجينة البيتزا بس ملفوفة و بينزل معاهم صوص الطماطم و من الاطباق اللي ليها مزاجها برده البيف مع صوص خفيف من الجبنة البارميزان و الطماطم المجففة و الروزماري و معاهم البطاطس المسلوقة و الخضار برده خفيف اوي

المكان لطيف جدا وهادي.. روحته الصبح افطر فيه.. كان فاضي خالص ورايق.. طلبت اومليت مع هاش بوتيتو وكانت هايلة والطبق كان مشبع جدا وكبير.. الخدمة ظريفة والناس لطيفة جدا والمكان نضيف وجميل

تروح بليل هتستمتع بالهدوء والموسيقى الايطالى الكلاسيك ( هى شغالة طول اليوم عادى ) .. البيتزا بقى من أحلى البيتزات اللى جربناها العجينة خفيفة وجميلة أوى اوى أحنا طلبنا نوعين اللى على اسم المكان اللى هو توتى ماتى ودى بتبقى سجق أيطالى مع الهالبينو ( خللى بالكم سبايسى ) مع الموتزاريلا طبعا واللى خدناها عليها هى كواترو فورماج ودى أربع أنواع جبن حاجة فخيمة أوى أوى ... وفى عندهم كمان مشروب نرشحة ليكم جامد جدا أسمة Red Minty ودة رمان بالنعناع حوار كبير أوى اوى وطعمه جامد أوى أوى ..

Very nice italian restaurant ، i love it very much ، but a bit pricy . مطعم إيطالي رائع ، أحبه كثيرا ، و لكن الأسعار مرتفعة بعض الشئ .

استغرب دخلت للمطعم وطلبت مشروب وصديقي طلب بيتزا واخذو الاوردار وبعد دقايق رجع لنا الولد يقول هو انتو حاجزين عشان داه مطعم ايطالي والي يقعد لازم يكون حاجز قبلها بيوم هههههه اقول ايه بس اللهم اني صائم علما ان هذا الموقف تم قبل رمضان

الإفطار فقير و غالي جدا عباره عن بيض من اختيارك + طبق جانبي ب 75 جنيه لو 3 اطباق جانبية يبقي ب 95 جنيه كل ده من غير الخدمه والضريبة

مكان ممتاز ورائع والخدمه علي اعلي مستوي والاسعار ممتازه جدا