عاجل..الناس اللى بتتعالج من أعراض إنسحاب الكشرى فى رمضان ، سيد حنفى خارب الدنيا بالكشرى و الطواجن 💔😅 المكان: سيد حنفى - Sayed Hanafy مدمنين الكشرى بالذات هما اللى بيعانوا فى رمضان جداً عشان بيخافوا يعطشوا أو يبقى حامى على صدرهم لتانى يوم و الكلام ده و بيستنوا لما رمضان يخلص و تلاقيهم طيران على محلات الكشرى و بيبقو ناقص يقولولهم جرعة دقة زيادة من فضلك بموووت مش قااادر 😨😂 بس الكلام ده حرفياً مش مع سيد حنفى لأسباب بسيطة جداً ، مبدئياً انتو متخيلين يعنى ايه الناس دى خبرة فى الكشرى من سنة ١٩٥٢ يعنى بقالهم أكتر من ٦٧ سنة ، ابتدوا بعربية كشرى و بعدين ربنا كرمهم و اخدوا المحل اللى العربية كانت واقفة قدامه و فضلوا يتوسعوا لحد ما بقى عندهم النهاردة أكتر من ١٠ فروع ، فمن الأخر هتاكل أحلى و أطعم كشرى ممكن تاكله فى حياتك (بدون مبالغة) سيد حنفى من كتر ما غير مفهوم الكشرى عند الناس من أكلة شعبية لأكلة نضيفة و شيك و رخيصة بقيت الناس عادى بتعزم بعضها عليه او لو حد عنده عزومة بيطلبه لإن شكل العلبة و طريقة تغليف الحبشتكانات اللى بتيجى مع طبق الكشرى بقت تشرف والله 😍 عمرك شفت محل كشرى بيطلع مع كل علبة كشرى نص لمونة و كيس شيك فيه منديل و شوكة و معلقة و لبانة عشان لو انتو فى شغل او هتقابلو ناس تخلصو و تاكلوا اللبانة تظبط الدنيا 😂 سيد حنفى فروعه كلها فاتحة كل سنة من يوم ١٠ رمضان و عشان تروح تاكل أو تطلب من اى فرع نصيحة لازم تروح قبلها بساعة على الأقل عشان تلحق مكان و لو هتطلب الأكل Takeaway فقبلها على الأقل بنص ساعة عشان متفطروش بعد المغرب و مش شرط تضربوا كشرى هما بيعملوا شوية طواجن بالفراخ و طواجن باللحمة إجرام بجد و خفيفة جداً مبتعطش ولا هتتعبكوا و عن تجارب كتير 😉♥️ و بعد ماتخلص اضرب واحد رز بلبن أو رز بلبن بقرع العسل و إدعيلنا 😋🤚🏼 العنوان: حدائق القبه الاميريه ( ش السواح ) وسط البلد -(ميدان التوفيقيه ) مدينة نصر ( خلف ستى ستارز ) عين شمس (ش صعب صالح ) التجمع الخامس ( امام المحكمه) التجمع الاول ( خلف السنترال ) التجمع الثالث ( داخل ميجا مول) الرحاب (داخل السوق التجارى ) مدينتى (داخل الفودكورت) التليفون: ١٦٩٢٠ الصفحة رقم واحد في ترشيحات الاماكن في مصر Remood Places ♥️

اكل كويس و خدمة ممتازة بس الاكل اتأخر شوية عشان العيد

احلى طبق كشرى واجمل طاجن مكرونه والحلو كمان ولا اروع