Reviews ‪good Stuff Eatery‬

برقر اللحم لذيذ جدًا ، اخذنا نوعين مختلفات بس ما اعرف اسمائهم و الكاشير رشحهم لنا و اعتقد انهم السجنتشر للمحل بس الحجم يعتبر صغير، اما البطاطس لذيذ و فرش.

أحسن مكان ممكن تجرب اكل منه برجر و لحمه بجد في مصر .. اللحمه نفسها ممتازه .. لو عايز تجرب طعم البرجر ماتعملش زيي و تجيب ساندوتش عليه اونيون رينجز او بص مكرمل .. هات سندوتش برجر بس و ممكن تضيف مشروم .. عشان ماتضيعش طعم الساندوتش

عارفين فاعلانات البرجر لما بيكون البرجر شكله كبير و طويل كده و كل حاجه باينه فيه و ع الحقيقه بيطلع أصغر من الايد اساسا 😂 البرجر ده هو هو بتاع الاعلان فعلا ع الحقيقه!! أولا احب اشكر الشخص اللي كان كاتب عنه ريفيو بجد دعتلك امبارح 😁 ثانيا انا شخص طول اليوم بره البيت و معظم اكلي بره و اكلت برجر أشكال و الوان بس ده حقيقي رائع انا اتخضيت اما شوفته من حجمه و طلبت منه كمان يقسمه نصين عشان اعرف أكله فعلا 😋 نيجي بقا للطعم! -البطاطس طازه لسه معموله سخنه و مقرمشه 😍 -الفراخ نضيفه و حتى البقسماط اللي معموله بيها نضيفه باين اوي فالطعم ساعات بيكونوا حاطين دقيق و نشأ و بيبقى شارب زيت و طعمه رديء لكن ده بجد نضيف جدا! - الموتزاريلا ستيكس عريضه اوي و برده طعمها حلو لدرجه اني فكرتها مكرونه بالموتزاريلا 😂 شايفين فالصوره كبيره ازاي 😁 - كان حاطط ع الجبنه صوص رانش و ده اختراع اول مره اجربه حلو اوووووي - خس و طماطم فريش برده انا اخدت النص التاني تايك اواي لاني مقدرتش أكمله و رحت اكلته اول ما روحت طفاسه 😂 المدير بتاع المكان هو اللي بيقدم الاكل بنفسه و زوق جدا جدا و جابلي جبنه هديه مع الاوردر 🙈 كمان صاحب المحل قالي انه بيستعمل اللحمه بتاعه البراند بتاع gourmet و ده براند نضيف و حجرب البرجر اللحمه المره الجايه مع انه مش باكل لحمه بره البيت بس انا فعلا بقيت واثقه فالمطعم ده و يا رب يفضل بنفس الجوده 😍 المكان اسمه good stuff فالفود كورت بتاع سيدي جابر اسم البرجر ده over dose chicken ب ٥٣ بس!!! و البطاطس المحترمه دي ب ٢٠ برده و ده سعر للجوده و الحجم مناسب جدا 👌🏼 بجد جربوه مش حتندموا و ادعولي 🙈

مفيش قطعة برجر لحمة أحسن من كدة في مصر. ملحوظة: الكيزر مكانش طازة في أخر مرة ودي هفوتها مرة واحدة بس.