Review ‪braavos Lounge‬ - القاهرة

مكان خطير جدا، تحفة. الستاف فريندلي جدا والاسعار في المعقول.. المنيو مختلفة وكل اسامي المشروبات والاكلات حاجات من المسلسل.. ممكن تتصور مع الفيجرز. واحلي حاجة فيه بلاي ستيشن تبعه ممكن تلعب ويجيبلك اكل او شيشة جوة. صباح الفل.

Very delicious food, excellent service. Special thanks to ميدو & عبدالرحمن صداده

المكان جدا رائع ونضيف وخدمه العاملين جدا مميزه اشكر عبدالرحمن واسلام على خدمه الشيشه وعندهم تشيز كيك خورافي والمكان ٢٤ ساعه اتمنى لهم كل التوفيق دائما

انا روحت افطر هناك في رمضان انا و صحبتي و كان يوم نكد !! تجربة سيئة جدا جداااا و هحط صورة الوجبة اللي مكلتش منها اصلااااا و منظرها بعد ما لفوها تيك اواي برضو و مش متاكل منها !! نزلزلي وجبة المفروض ان هي 250 جرام ستيك والله كان منظرها عرة ولا حتى 100 جرام ستيك مش يقولي 250 !! و بتاع 15 صباع بطاطس محمرة و شوية خضار سوتيه ميشبعوش طفل اصلا .. و الوجبة بعد الضرايب ب 280 !!!!!!!!!!!! اتخانقت معاهم لاني مكلتهاش اصلا و نفسي اتسدت من المنظر فا المدير قال هيشيلها من الفاتورة و بعد شوية رجع يقولي الوجبة مفيهاش غلطة بس عشان متزعليش هعمكل عليها خصم النص مش هقدر اشيلها من الفاتورة و هلفهالك تيك اواي .... انا اقسم بالله كنت مكسوفة و انا بديها لواحد من الناس اللي بتبقا قاعده في الشارع

يعجز فيك الكلام بجد من طريقه التقديم الى اخر لحظه فوق فوق الرائع واحتفالات راس السنه والاغانى مختلف فى كل شى اجمل راس سنه قضتها كانت هناك رائع

افطار فى المعادى فى اكتر مكان فى اشجار ومناظر حلوة وكمان الفردين هيفطروا ب ١٢٠ جنية اول ما تدخل تحس انك دخلت جوة حلقة من Gmae of thrones الديكورات و كل حاجة حواليك عليها رموز العائلات و بتبقى قاعد على كنبة كبيرة 😍 المكان فيه قعدة Outdoor حلوة اوي خصوصاً إن الشارع كله اشجار فيها ورود الوانها طبيعية و شكلها حلو اوي 🌳🌳 مستمتع بالجو و الFresh air من الشجر على طول لو متابع المسلسل هتنبسط اوي بالمود دا .. لو مش متابع المسلسل هتنبسط بردو بس بالاكل 😋 انت هتاكل و تجيب حد من صحابك ياكل معاك ب 120 جنيه و عندك اكتر من اختيار بنفس السعر ممكن تجيبوا باستا نجرسكو و واحدة تانية الفريدو .. الاتنين ب 120 جنيه و معاهم طبق بطاطس محمرة أو ساندوتش بيف برجر + ساندوتش فراخ مقلية .. الاتنين ب 120 جنيه و معاهم بطاطس اما لو عايز تدب جامد بقى ممكن تطلب طبق كوردن بلو + فراخ بانيه و باستا مع طبق بطاطس و مشروب رمضاني و بردو الوجبة دي ب 120 جنيه ( بس دى لفرد واحد ) بعد الاكل بقى اوعى تفوت تجربة المشروبات الرمضانية بالRedbull حاجة تانية خالص غير اللي اتعودنا عليها، انت متخيل طعم مزازة الكركديه مع انتعاش الريد بول 😍 و ممكن كمان تجربوه بالتمر الهندي 🍹 و عندهم طواجن كنافة بالبلح و المانجا و الشيكولاتة يعني هتاكل و تتمرجح و تنبسط و تحلي في مكان واحد

جيد جدا

فوق الممتاز الجلسه رايق المعسلات ممتازه الاسعار حلوه