Review ‪majesty Restaurants‬

Tony G

*this rating is not my actual experience but temporary until i try it myself, as a high ranked local guide by google I am republishing this review is credited back to foodgasm page* المره دي رحنا عند معلم من معلمين الفطير الكبار ماجيستى - Majesty محدش تقريبا مسمعش عن ماجستي قبل كده مشهور اكتر حاجه بالفطير بتاعه و براند كبير اوي عنده ٩ فروع 👍 اختياره لاماكن الفروع بتاعته خلت ان كل فئات الشعب تعرفه و تاكل عنده المنيو كبيره بشكل خرافي و دلوقتي توسع و طور من نفسه و دخل حاجات تانيه غير الفطير و القسم الواحد تحتيه اصناف كتير احنا قعدنا كتير فعلا نختار 😂 و في اختراعات حلوه فعلا اول اختراع بيتزا كريسبي 😍 بيتزا وجبنه و عليها حتت فراخ مقليه و مقرمشه و من فوق صوص الرانش العظيم عشان يبقي الطعم احلي العجينه اصلا بتاعتهم حلوه اللي هي مش الرفيعه ولا التخينه في النص كده و خفيفه 👍 جبنا بردو الباربيكيو كانت حلوه و الفراخ تتبيلتها حلوه و الباربيكيو نفسه مسكر مع مشروم و جبنه الاختراع التاني و انا شايفه اختراع فعلا فطيره ماجستي 😍 عد كده معايا ، فطيره مربعه من فوق سوسيس و فلفل و زيتون و طماطم و موتزريلا و رومي حلو كده ؟ لا مش كفايه كمان لما تفتحها محشيه بسطرمه و سجق و لحمه مفرومه 😍😍 مفيش نوع لحمه مش فيها تقريبا كميه بروتين رهيبه المكرونه جبنا مكرونه ماجستي دي مكرونه مع فراخ و مشروم و بشاميل و متوزريلا و هوب وش في الفرن و تطلع ، خلو بالكوا ال xl كميه مش بتهزر و تكفي اكتر من واحد وش و جبنا الفريدو كانت زيها بس من غير الفرن و عليها فلفل الوان و بقدونس كانت حلوه اوي و تتبيله الفراخ باينه جبنا طبق ميكس جريل بس مكنش قوي معادا الشيش طاووق كان حلو الحلو لازم يبقي حاجه تقيله عشان نحبس بقي عنده اكتر من ١٥ نوع فطيره حلو بس جبنا فطيره بلاك فوريست ، نص شيكولاته و نص كل الفواكه اللي تتخيلها و قشطه و كراميل و عسل و كاستر تاكلها من هنا و تنام في مكانك في المطعم 😍 التيليفون هوت لاين 19915 العناوين : *مدينه نصر : ٧ شارع عباس العقاد *روكسي : ٧٦ شارع الخليفه المامون روكسي *مصر الجديد:١٣٨ شارع النزهه ميدان تريومف *العباسيه : ميدان الفرنساوي *المهندسين : ٣١ شارع جامعه الدول *المعادي : شارع ٢٧٠ ناصيه شارع النصر *المقطم : ٢٥ شارع ٩ *التجمع الخامس : لايف مول محل ١٠٥ عند سعودي