‪casino El Hamam/ Casino Des Pigeons‬

رائع الاكل عندهم لذيد الطلب تأخر تقريباً لاكثر من نص ساعه علماً ان انه لايوجد زحمه. اللي بياخذ الطلبات وينزل الاكل فقط عامل واحد مما يسبب التأخير اسعارهم مناسبه جداً وانصح بزيارته الاطلاله والجلسات جميله وعلى النيل مباشرة

الصراحة المطعم اكتشاف أكلت في مصر حمام لكن مثل طعم هذا المطعم قسم بالله ما اكلت نظافة طعم طعم كذلك الأصالة مباشرة على النيل والنيل عريض مو مثل نيل الزمالك روقان في الليل والاسعار منطقية جدا ليت عندنا في السعودية مثله انصح فيه وبشدة

السنة دي كملوا 100 سنة من العظمة... فاتح من 1920 من ايام ما جدودنا كانوا بيزوغوا و يتقابلوا عالنيل في الكازينو المكان مش مجرد اكل حلو... المكان نفسه ممكن يكون احلى و اروق قاعدة عالنيل فى مصر... فيوو تحفة وجو هادي كدة ماروحتش اي مكان تاني ممكن يتقارن بيه... و المكان عشان كبير جدا حتى لو زحمة بيفضل رايق انا كنت معزوم في مناسبة فماعرفتش اصور كل حاجة اوي... بس هما اثبتولي انهم احسن مكان يتعمل فيه اي مناسبات او تجمعات عائلية... و الكل هيتبسط بالقاعدة و المكان و الاكل طبعا... متخيل انه ينفع لخطوبة او ما شبه عشان المكان كبير و مفتوح و فيه جزء مقفول كمان و كذا مستوى عالنيل الكل كان عرق صعيدي تقريبا فالمعظم طلب "حمام محشي فريك" و اتبسطوا جدا و قالوا انه شبه بتاع البيت... الحمام المشوي بحسه مجهود اوي بس طعمه حلو ... و كان في فراخ مسحب ماجربتهاش بس كان الكلام عليها هايل وطبعا انا ليا الطاجن المخصوص بتاعي... رز معمر بالحمام و كبد الحمام يخليك تبكي من فرط اللذة وتحلم وانت قاعد و هو اخره 3 معالق وخلاص كدة هتفطس... مخدوم بزيااااادة وغرقان قشطة.. كان في الاول نازل مقبلات مشكلة... الورق عنب لطيف.. كبد الفراخ تحفة و مش زفرة والصوص حلو اوي.. السمبوسك بالجبنة جميلة بعجينتها المختلفة شبه الباف بيستري وكان في فتوش وبابا غنوج كويسين وسلطة الراهب المفضلة لقلبي الخدمة كانت فوق الممتازة بجد و مهتمين بكل تفصيلة وكانوا ذوق جدا في كل حاجة