‪anaro Restaurant & Cafe‬

الف ترليون مبروك ربنا يوفقك ياحاج انور بتمنالك التوفيق والنجاح في كل الاوقات

مطعم رائع، يقدم أكل بدوي، وليس سيوي. تقريبا لا توجد مطاعم في سيوة تقدم طعاما سيويا. المنيو جيدة وتقليدية. ارز ومكرونة مع خضار وملوخية، واختيار لحوم من لحم ضاني او بتلو، او بط او فراخ او كفتة. تحضير المكرونة والكفتة بياخد وقت طويل. باقي الاكل سريع. الملوخية والخضار بيتي، حلوين جدا. الجلوس في حجرات الضيوف على الطبلية او على موائد خارجية. بعد ما تدخل الاوضة اطرد منها القطط واقفل الباب، هي مزعجة جدا مصممة تاخد اكل وساعات بتخطفه. اجمالا مطعم رائع وسعره ممتاز خصوصا للمجموعات الكبيرة. وفيه امكانية الطلب بالتليفون قبل الوصول لتحضير الاكل وعدم الانتظار.

متخصص فى اكلة ابو مردم المشهورة فى سيوة وده وصفى لأكة الجميلة ابو مردم .. ثقافة الاكل وطرق الطهى بتختلف عموماً فى الصحراء وتحديداً فى واحة سيوة . قررنا نجرب اشهر اكله هناك او هنعتبرها طريقة طهى اسمها #ابو_مردم, ودى عبارة عن حفرة بمقاس معين فالرملة وبينزل فيها الشبك الحديد مرصوص عليه الفراخ او اللحم او البط بعد التتبيل بأعشابهم الجبلية الخاصة وممكن ينزلوا الارز يستوى معاهم وياخد من طعم التدخين. لأن الى بيحصل بعد كده انهم بيقفلوا على الحفرة دى بغطاء حديد وفوق الغطاء ده دايرة بحجم الحفرة متولع فيها كمية كبية من الحطب وبيفضلوا يتابعو النار باستمرار وبعد ساعتين بيرفعوا الغطا ويطلعوا الاكل بيكون ميكس غريب بين الشوى واللحم الدايب يعنى حاجه مشوية كويس جدا من برة ومتحمرة وفنفس الوقت طرية ودايبة من جوة ولحمها بيتفصص لواحده .. للوهلة الاولى ممكن تحس ان الطعم مألوف بالنسبالك طعم الشوى وطعم اللحم المستوى بزياده لكن لو ركزت دول حاجتين اصلاً مينفعش يجتمعوا مع بعض فوقت واحد ودى النقطة الى بتميز ابو مردم لأن الفراخ المشوية عشان تبقى محمرة كويس من برة هتبقى ناشفة نوعاً ما لانها فقدت السوائل بتاعتها والفراخ المسلوقة محتفظة بالسوائل بس مش محمره. نقدر نقول ان الطعم قريب من طعم الفراخ او اللحمة جوة الكيس الحرارى بس بأضافة طعم الشوى اوى التدخين عليه .. انا كل ده بحاول اوصفلكم وصف تقريبى لطعمه واحنا جربناه هناك كل يوم مرة فراخ ومرة لحمة ومرة بط, كان اجملهم البط لأن الدهون الى فيه عززت الطعم اكتر, كمان الرز لما بيتسوى معاهم بيكون طعمه جميل جداً.. #سيوة

مكان جميل وبسيط الاكل حلو و خدمه جميله واسعار معقوله