‪buffalo Wings & Rings‬

رحت هناك وقت عرض كل الي تقدر عليه - اول يوم احد من كل شهر - سعر العرض ٢٥٠ بالضريبة والخدمة، بصراحة الخدمة كويسة والاكل روعة، كان في تأخير في تقديم الأطباق - كل طبق كان بياخد في تحضيره ٣٠ دقيقة في المتوسط - ودا كان بيؤثر على لذة التجربة، وفريق العمل جميل، وطلبت كذلك مشروب غازي متاح إعادة ملؤه - refill drink - المشروب كان ب٥٠ تقريبا بالخدمة والضريبة.. تجربة لازم تتعمل عالأقل مرة في السنة.

من اول ما الباب الازاز يتفتح و هتسمع صوت المزيكا، الشباب لابسين T-SHIRTS بتاعت American football و يستقبلوك بابتسامة جميلة لحد ما يوصلوك للمكان المحجوز ليك "يفضل تحجز قبل ما تروح حتى لو في نفس اليوم" و انت قاعد هتحس إنك في مدرسة في امريكا زي أللى بنشوفها في الافلام .. دا اقرب تشبيه فعلا للمكان .. او تحس إنك في ستاد .. وهتلاقى نفسك تلقائيا بتقول انا عاوز شطائر البرغر يا صديقى 😁😁 في كل مكان شاشات كتير بتعرض قنوات رياضية، ناس كتير رايحة جاية .. و عشان المكان واسع و كبير هتحس إن المزيكا صوتها عالي بس مش مزعج (جو جامد اوي) حتى هتلاقيهم كاتبين Eat, Drink, Talk loudly 😄 المطعم امريكي و دا اول فرع ليه في مصر، بس ليه فروع تانية في دول عربية زي الاردن من اكتر الحاجات المشهورين بيها "Chicken wings" اجنحة الدجاج بتتبيلتهم الخاصة BWR سواء مقلية او بالصوص حسب النوع اللي بتختاره، و عندهم 10 صوصات مع كل 10قطع بتختار صوص مع طلبك كمان بتختار درجة الشطة في الاكل بالتدريج ⁦🌶⁩⁦🌶⁩ لحد درجة ال One million و دي مفيهاش هزار .. لدرجة لازم تكتب إقرار ⁦📝 قبل ما تاكل إنك إنت اللي قولت و طلبت إن الشطة تكون خزعبيلة و مستعد تلهلب لسانك و كل اعضاءك على مسؤليتك صاحبك اللي بيقولك انا بحب الشطة و مبتحوقش فيه .. هيمضي إقرار إنه شبح و قدها و ياخد شطة تحوله لتنين 😂 و يمشي ملهلب بيطلع نار 🔥🔥 بس طبعا في درجات "Spicy" اقل و ممكن تطلب الاكل مش حراق خالص عادي ✋ مبدأيا كدة عاملين كذا عرض حلوين اوي هقولكم عليهم الاول و بعد كدة اقولكم الحاجات اللي طلبناها اول حاجة ال Happy hours كل يوم من 12 الظهر للساعة 5 ال Traditional wings القطعة ب 3.5 جنيه و ال Breaded wings ب 4.5 المقلية و ال Boonles ب6 "مخلية بدون عظم" ‏Onion rings ب 19 جنيه كمان يوم التلات بيكون بنفس الاسعار (طول اليوم) بس العرض بيكون على ال Wings بس البرجر عندهم بيعملوه بتتبيلة طعمها مميز جدا و حلو اوي و الكلام دا ينطبق على اي ساندوتش برجر عندهم .. بس اشهرهم (بافلو رينجير) دا هتلاقي في كل حاجة تقريبا .. حلقات بصل، شريحة جبنة امريكي، Special sauce & BBQ مع بيف بيكون و خيار مخلل و طبعا الخس و شريحة الطماطم و كل ساندوتش بيتقدم معاه كول سلو "عالمية" و بطاطس محمرة بالنسبة لذوقي الساندوتش دا على مزاجي اوي من الحاجات الحلوة اوي عندهم سندوتشات صغننة كدة اسمها ميني تشيكين سلايدر، 4 ساندوتشات ميني "صغيرين" كلهم نفس النوع بس، العيش نفسه او ال "Bun" عليه صوص رانش على الشريحتين اللي فوق و اللي تحت، و بينهم فراخ مقلية تتبيليتها حلوة اوي و عليها ميكس جبن تحفة 👍 شريحة بيف بيكون و تحتها شريحة طماطم و خس، الساندوتش دا حلو اوي للناس اللي مبتحبش الزروطة في الاكل و في نفس الوقت طعمه قوي و يا دوب الساندوتش بيتاكل على قطمتين او 3 بالكتير 😋 بالمناسبة ال Onion rings عندهم اكتر من روعة و من الحاجات اللي انصحكم جدا تجربوها (الاوردر حوالي 12 واحدة) خصوصاً إنها بتتعمل بتتبيلتهم و طريقتهم الخاصة و بتتقدم مع صوص "شيبوتلي رانش" طعمه حلو اوي كمان ممكن تدفع 40 جنيه و تشرب كولا Refill زي ما انت عايز، و عندهم كمان مشروبات تانية حلوة من المزايا الحلوة اوي هناك إنك ممكن تعمل عيد ميلادك هناك Free مفيش سيرفيس تورتة و هيغنولك Happy birthday 🤩 كمان ** المكان بيقدم كحوليات بس دة مش الاساسى

احسن محل تتفرج في مباره وتاكل وينقز. واحسن ويتر احمد عاصم 🤩👍

حلو اوي بس غالي وفي اطعمه لازم تتحسن ولازم يكون في عروض مشوقه زي باقي المطاعم بس بصراحه طعمه افضل من محلات مشهوره اوي من غير سبب